Almaty qalasy Sanıtarlyq-epıdemıologıalyq baqylaý departamentiniń derekteri boıynsha ótken jyldyń sáıkes kezeńimen salystyrǵanda JRVI-men syrqattanýdyń 4,6% - ǵa óskeni baıqalady.

Tirkelgen jaǵdaılardyń 65,1% - y balalarǵa tıesili. Osy maýsymda tumaý  juqtyrý jaǵdaılary áli anyqtalǵan joq, dep habarlaıdy Almaty-akshamy.kz.

Bul týraly Óńirlik komýnıkasıalar qyzmetiniń brıfıńinde Departament basshysynyń orynbasary Ásel Qalyqova málimdedi. Jalpy, sarapshylar atap ótkendeı, jiti respıratorlyq vırýstyq ınfeksıalarmen syrqattanýshylyq boıynsha epıdemıologıalyq jaǵdaı turaqty .

«Qazirgi ýaqytta tumaýdyń zerthanalyq rastalǵan jaǵdaılary tirkelgen joq, basqa tumaýǵa jatpaıtyn JRVI vırýstary rınovırýs retinde taralýda. Ótken 2022-2023 jylǵy epıdemıologıalyq maýsymda JRVI-men syrqattanýshylyqtyń maýsymdyq ósýi 40-aptadan bastap tirkeldi, JRVI-men syrqattanýshylyqtyń eń joǵary kórsetkishteri 52-aptada tirkeldi, odan keıin syrqattanýshylyqtyń 4 apta ishinde turaqtanýy baıqaldy. Epıdemıologıalyq kezeńde  maýsymdyq tumaýmen syrqattanýshylyqtyń 244 jaǵdaıy tirkeldi, tumaý vırýsynyń barlyq úsh túri aınalymda boldy», - dep bólisti Á. Qalyqova. 

DDU-nyń epıdemıologıalyq jáne zerthanalyq derekterin eskere otyryp, aldaǵy kúz-qys maýsymynda V vırýsynyń qosylýymen A/H1N1/ pdm09 jáne A/H3N2 tıpti vırýs sýbtıpteriniń paralel aınalymyn jáne yqtımaldyqtyń úlken úlesin, sondaı-aq,  basqa tumaý vırýstary arasynda A/H1N1/ pdm09 tumaý vırýsynyń basym bolatynyn boljaýǵa bolady.

Sondaı-aq, Á.Qalyqovanyń málimetinshe, JRVI jáne tumaý boıynsha epıdemıologıalyq maýsymǵa daıyndyq sharalary júrgizilýde.

«Medısınalyq uıymdarda shaqyrýlardy qabyldaý úshin 137 telefon, úıde qyzmet kórsetý úshin qosymsha 150 birlik avtokólik bólindi, qarqyndy terapıa kórsetý úshin 196 ÓJJ jabdyǵy bar, JRVI/tumaýmen aýyratyn naýqastardy emdeýge jatqyzý úshin 421 tósek qoıyldy, 175 tósek ornalastyrý kózdelgen, tumaýǵa qarsy preparattardyń qorlary tolyqtyrylýda (10834 dana mólsherinde tameflú bar, relenza-2964 dana, oksolın jaqpa-2568 dana), bir rettik maskalar (2 569 956 dana) jáne dezınfeksıalyq preparattar (22924,75 kg., 1 020 697 tabletka, 28 915,75 l.) qory quryldy», - dedi ol.

Sonymen qatar, táýekel tobyndaǵy adamdarǵa vaksınasıa júrgiziledi. Osy maqsatta jergilikti búdjet qarajatyna 250 000 myń doza mólsherinde úsh valentti Grıppol plús» vaksınasy satyp alyndy.

«Qalada 2023 jylǵy 25 qyrkúıekten bastap «táýekel tobyndaǵy» adamdardy tumaýǵa  qarsy vaksınasıalaý bastaldy, bul topqa medısına qyzmetkerleri, medısınalyq uıymdarda medısınalyq baqylaýǵa jatatyn balalar, alty aıdan asqan jıi aýyratyn balalar, jetim balalarǵa arnalǵan bilim berý uıymdarynyń balalary jáne ata-anasynyń qamqorlyǵynsyz qalǵan balalar, balalar úıleri, júrek-qantamyr júıesi men tynys alý organdarynyń  sozylmaly aýrýlary bar adamdar, medısınalyq-áleýmettik mekemelerdiń qyzmet alýshylary, 2-shi nemese 3-shi trımestrdegi júkti áıelder kiredi. Osy jyldyń 27 qyrkúıeginde tumaýǵa qarsy «táýekel tobyndaǵy» 18348 adam vaksınasıalandy. Tumaýǵa qarsy ekpeler aǵymdaǵy jyldyń qarasha aıynyń sońyna deıin júrgiziledi», - dedi Á.Qalyqova.

Sondaı-aq, ol jeke medısınalyq ortalyqtarda tumaýǵa qarsy ekpe alǵysy keletin halyqqa, onyń ishinde jumys berýshilerdiń qarajaty esebinen túrli saladaǵy qyzmetkerlerge aqyly negizde vaksınasıa júrgizilip jatqanyn atap ótti. 

Á. Qalyqova vaksınasıa halyqty tumaý vırýsyn juqtyrýdan qorǵap qana qoımaı, asqynýlar men ólim-jitim jıiligin aıtarlyqtaı tómendetýge kómektesetinin eske saldy.

«Tumaýǵa qarsy vaksına epıdemıologtardyń paıymynsha, aldaǵy maýsymda eń belsendi bolady dep esepteıtin vırýstardan qorǵaýǵa arnalǵan. Álemde eń kóp taralǵan úsh valentti vaksınalar úsh tumaý vırýsynan qorǵaýǵa qyzmet etedi: eki  A jáne V shtammy. Bıyl DDU usynǵan tórt valentti vaksınalar tumaýdyń tórt túrinen qorǵaýǵa arnalǵan - burynǵy shtammdarǵa taǵy bir V vırýsy qosylady», - dep tolyqtyrdy ol.

Sarapshy aldyn alý sharalaryna beı-jaı qaramaýǵa shaqyrady. Turǵyndarǵa tumaý men JRVI-men aýyrmaýǵa kómektesetin kelesi qarapaıym erejelerdi saqtaý usynylady:
- JRVI-men aýyratyn naýqastarmen baılanysta bolýdan aýlaq bolyńyz, baılanystan qashý múmkin bolmasa, onda sizge maska taǵý kerek, oksolındi jaqpamaı qoldanyńyz;
- aýyrǵan jaǵdaıda úıde bolý kerek, ózin-ózi emdeýmen aınalyspaǵan jón, medısına qyzmetkerin shaqyrý kerek, otbasynda nemese ujymda maska kıý kerek, dárigerdiń nusqaýy boıynsha em alý kerek; 
- túshkirý jáne jótelý kezinde aýzyńyzdy qolyńyzben, maılyqpen, oramalmen jaýyp, qolyńyzdy múmkindiginshe jıi jýyńyz;
- ımýndyq júıeni kóterý: dárigerdiń usynysy boıynsha S dárýmeni jáne basqa dárilik quraldardy qoldaný;
- araqashyqtyqty saqtaý, kópshilik oryndarǵa barýdy qysqartý, ásirese JRVI, tumaý órshigen kezde.