Qazaqstanda áskerge shaqyrylýshylardy irikteýdiń jańa ádistemesi – PSY-sýısıdtik minez-qulyqqa beıimdilikti erte anyqtaýǵa baǵyttalǵan júıeni aýqymdy engizý bastaldy, dep habarlady qorǵanys mınıstrligi.
"PSY-táýekel ádistemesin qorǵanys mınıstrliginiń áskerı psıhologtary ázirledi. Jańa joba 2025 jylǵy kóktemgi shaqyrý kezinde sátti synaqtan ótti. Sonyń nátıjesinde sýısıdke beıimdilik belgileri bar 470-ten astam jas anyqtalyp, olardyń bári qyzmetten bosatyldy nemese qosymsha tekserýge jiberildi", - dep jazylǵan habarlamada.
Vedomstvo málimetinshe, jańa júıe bastapqy skrınıngti, tereń psıhologıalyq tekserýdi jáne qajet bolǵan jaǵdaıda psıhıatrıalyq saraptamany qamtıtyn psıhodıagnostıkanyń kóp satyly mehanızmi bolyp tabylady. Negizgi maqsat – psıhoemosıonaldy turaqtylyq turǵysynan qarýly kúshterde qyzmet etýge daıyn emes adamdardy shaqyrýdan bosatý.
Elimizdiń barlyq óńirinde "PSY-táýekel" júıesin kezeń-kezeńimen engizý týraly sheshim qabyldandy. Inovasıa irikteý tıimdiligin arttyrady, armıadaǵy shtattan tys jaǵdaılardyń sanyn azaıtyp, jas áskerı qyzmetshilerdiń psıhıkalyq densaýlyǵyn nyǵaıtýdaǵy mańyzdy qadam bolady dep kútilip otyr.
