Sherzat Polattyń otbasynyń úıin órteý deregi boıynsha qozǵalǵan qylmystyq is toqtatyldy. Bul týraly Almaty oblysy prokýratýrasy habarlady.
«Qarjaýbaı Nurymovtyń úıindegi órt faktisi boıynsha qazirgi ýaqytta sotqa deıingi tergep-tekserý merzimi QR Qylmystyq-prosestik kodeksiniń 45-baby 7-bóliginiń 5-tarmaǵyna sáıkes (quqyqtyq kómek kórsetý jónindegi prosestik áreketterdi oryndalýyna baılanysty) toqtatyldy», - delingen Almaty oblysy prokýratýrasynyń QazAqparat agenttigine bergen jaýabynda.
Buǵan deıin Sherzat Polattyń aǵasy Nurqanat Ǵaıypbaevtyń ólimine baılanysty is te toqtatylǵan bolatyn. Polısıa ol óz-ózine qol salǵan degen baılamǵa kelgen.
