Reseıdiń premer-mınıstr Mıhaıl Mıshýstın Qyrǵyzstan prezıdenti Sadyr Japarovqa orys tili kitabyn syılady. Mıhaıl Mıshýstın oqýlyqty qyrǵyz mektepteri úshin ákelgenin aıtty.  

TASS saıtynyń dereginshe, Mıshýstın Máskeý men Bishkek arasynda jasalǵan kelisimdi nyǵaıtý úshin is-saparmen barǵan. Kezdesý barysynda qyrǵyz prezıdentine orys tili oqýlyǵyn syılady. 

"Biz eki el arasyndaǵy mádenı gýmanıtarlyq baılanysty damytýǵa shyn júrekten múddelimiz. Siz ben Vladımır Pýtın arasyndaǵy kelisim boıynsha Qyrǵyzstanda eki eldiń dıplom standartyna teń bolatyn toǵyz orys mektebin salý boıynsha júıeli jumys júrgizip jatyrmyz. Sondaı-aq sizge orys tili qoldanysyn damytyp jatqanyńyz úshin erekshe alǵys bildiremin. Osyǵan oraı qyrǵyz balalarynyń orys tilin úırensin dep oqýlyqtar alyp keldim", dedi Mıhaıl Mýshýstın.