Polsha Respýblıkasynyń Qazaqstan Respýblıkasyndaǵy elshiliginiń ýaqytsha senimdi ókili Mıhal Labenda birshama ýaqyttan beri áleýmettik jelidegi paraqshasyna qazaq tilinde sóılegen jazbalar jarıalap júr. Jurt súısingen dıplomattyń búgingi jazbasy, tipti, erekshe. Ol RF prezıdenti Vladımır Pýtınniń 15 tamyzǵa mundaı mańyzdy dıplomatıalyq kezdesý josparlaǵanyna tań qalǵanyn jáne bul dataǵa tarıhı sátsizdiktiń sáıkes bolýyn aıtty.
Oqyrmanǵa túsinikti bolý úshin elshiniń sózin jáne vıdeosyna siltemeni qosa júkteımiz.
«Sálemetsizder me!
Búgin tamyzdyń 15-i. Qudaı qalasa AQSH prezıdenti men Vladımır Pýtın arasynda kezdesý bolatynyn bilemiz. Eger Vladımır Pýtın óz tarıhyn jaqsy bilse, eshqashan 15 tamyzǵa osyndaı kelissózderge qatyspas edi. nege? Sebebi, 105 jyl buryn 15 tamyzda Býdennyı jáne Týhachevskıı áskerleri polák áskerinen oısyraı jeńilgen.
Qazan tóńkerisinen keıin Lenın jáne Stalın komýnızm ıdeıasyn Eýropaǵa taratýdy armandady. Ol úshin kolonıaǵa shabýyl jasaý kerek boldy. Ol kezde Polshanyń áleýmettik, ekonomıkalyq, saıası jaǵdaıy óte kúrdeli boldy. Al Týhachevskıı polák áskerinen ońaı ótem dep oılady. Biraq poláktar erlikpen kúresip, jeńiske jetti. Qazir, tarıhshylardyń pikirinshe, osy shaıqasy dúnıe tarıhyndaǵy eń mańyzdy 100 shaıqas qataryna kiredi.
Bul – búkil Eýropany komýnızmnen qutqarǵan shaıqas. Sondyqtan, biz bul oqıǵany esimizde saqtaımyz jáne dál osy kúni Polák áskerı kúshteriniń merekesin atap ótemiz», - dedi ol.
