Belgili ýkraınalyq jýrnalıs, kásipker Dmıtrıı Gordon óziniń Telegram arnasynda ýkraınalyq aqparat agenttigi RBK-Ýkraına jarıalaǵan jazbany bólisti. 

RBK-Ýkraına Vladımır Zelenskııdiń aınalasyndaǵy derekkózderden el prezıdentiniń Aláskadaǵy Tramp – Pýtın kelissózderine qatysty ustanymyn jetkizipti-mys.

«Mazmundy áńgime bolypty. Biz Tramppen birqatar máselelerdi jáne ári qaraı qalaı áreket etetinimizdi dúısenbi kúni talqylaımyz dep kelistik», - degen pikir bildirgen Zelenskıı.

Onyń aıtýynsha, Aláskadaǵy kelissózder qarýly qaqtyǵystardy toqtatýy múmkin degen boljam bolǵan, biraq bul ıdeıaǵa RF prezıdenti qarsy bolypty.

Zelenskııdiń oıynsha, Pýtın qarýly qaqtyǵysty toqtatýdy Ýkraınaǵa qatysty barlyq saıası talaptary qanaǵattanǵan kezde ǵana oılanǵysy keledi. Biraq Tramp ári qaraı jedel arada jetistikke jetý týraly ózge de nusqalardy oılanyp kórmek.