Prezıdent Qasym-Jomart Toqaev elde salynatyn alǵashqy atom elektr stansıasyna (AES) ataý berý jóninde konkýrs ótetinin aıtty, dep jazady Aqorda. Bul týraly prezıdent halyqaralyq pán olımpıadalary jeńimpazdary men júldegerlerin marapattaý rásiminde sóz etken. 

«Rosatom» kompanıasymen birge salynatyn alǵashqy atom elektr stansasy strategıalyq mańyzǵa ıe. Birer kún buryn onyń qurylysy resmı túrde bastaldy. AES energetıka nysany ǵana emes, ǵylymı-tehnıkalyq progrestiń jarqyn sımvoly bolýǵa tıis. Ázirge onyń ataýy joq. Bul elimizdegi tuńǵysh stansa bolǵandyqtan, halyq arasynda úzdik ataý jóninde baıqaý jarıalaýǵa bolady dep sanaımyn. Osy saıysqa qatysyp, shyǵarmashylyq qarymdaryńyzdy kórsetýge shaqyramyn. Bálkim, sheshim qabyldaǵan kezde Sizderdiń de usynystaryńyzǵa súıenermiz», dedi Toqaev. 

Buǵan deıin Almaty oblysynda salynatyn AES-tiń qurylysy resmı túrde bastalǵan bolatyn. AES-ty Reseıdiń «Rosatom» kompanıasy salady. Qazaqstanda alǵashqy atom elektr stansıasynyń qurylysyn 2035-2036 jyldary aıaqtaý josparlanýda.  Qurylysqa kem degende 14 mıllıard dollar jumsalýy múmkin.