Donald Tramp Ýkraına basshysy Vladımır Zelenskııdiń Reseımen aýmaqtyq kelisimderge kelýden úzildi-kesildi bas tartýyna kelispeıtinin bildirdi. Bul týraly AQSH prezıdenti jýrnalısermen kezdesý barysynda aıtty.

«Pýtın kelissóz úshin bizdiń elge kelgende jaqsy bolar edi, biz onyń eline nemese úshinshi bir elge emes. Men Zelenskıımen de jaqsy aralasamyn. Biraq onyń isimen kelise almaımyn. Múldem kelise almaımyn. Bul soǵys eshqashan bolmaýy kerek edi, bolmas ta edi. Biraq men Zelenskıımen sóılesemin. Kelesi kezdesý Zelenskıı jáne Pýtınmen nemese Zelenskıı, Pýtın jáne menimen bolady. Eger olar úshin qajet bolsa men sol kelissózge qatysamyn. Eki kóshbasshy arasynda kezdesý uıymdastyrylǵanyn qalaımyn», dedi Tramp.

Jýrnalısermen kezdesý kezinde Tramp Zelenskııdiń ustanymyna qarsy ekenin aıtty.

«Zelenskııdiń Konstıtýsıany alǵa tartyp, kez kelgen aýmaqtyq kelisimnen bas tartýyn túsinbeımin. Eger beıbitshilikke qol jetkizýdiń birden-bir joly — kelissózder arqyly belgili bir sharttarǵa barý bolsa, ony qarastyrý qajet dep esepteımin», dedi Tramp.