AQSH prezıdenti Donald Tramp el astanasyna Ulttyq gvardıa jasaǵyn kirgizdi. Maqsaty – ózi birneshe márte málimdeme jasaǵan «tártip ornatý» jáne úısiz-kúısiz tómengi áleýmettik tap ókilderin qaladan shyǵarý. 

Tramptyń aıtýynsha, ol qalany kórikti ári qaýipsiz etýdi kózdeıdi. Osy operasıany júzege asyrý kezinde Vashıngton polısıasyn basqarý quqyǵy federatıvtik baqylaýǵa ótpek.

Prezıdent pármenimen el astanasyna Ulttyq gvardıanyń 800 áskerı qyzmetkeri kiredi. AQSH armıasynyń málimetine súıensek, Ulttyq gvardıa áskerı qyzmetkerleri ákimshilik, logıstıkalyq jáne quqyq qorǵaý qyzmetkerlerine qoldaý kórsetý sıaqty mindetterdi atqarady eken. Shildede úısiz-kúısiz júrgenderdi tutqyndaý tártibin jeńildetetin jarlyqqa qol qoıǵan Tramp endi astana kóshelerin tolyq tazartýǵa kirisken syńaıly. Alaıda, tómengi áleýmettik tap ókilderine basqa qalalardan jaǵdaı jasaý qarastyrylǵan-mys.

Adam quqyǵyn aldyńǵy qatarǵa qoıatyn AQSH áreketin ózge demokratıalyq elder jáne Vashıngtonnan shyqqan myńdaǵan úısiz-kúısiz adamdardy qabyldaıtyn ózge qala turǵyndary qalaı qabyldaıtyny aldaǵy kúnderdiń enshisine qalyp otyr. Teń quqyq tendensıasy tártippen ushtasar ma eken?...