2025 jyldyń sáýir aıynda Indonezıadaǵy Balı aralynda eki Qazaqstan azamaty tutqyndaldy. Ustalǵan sátte olardyń janynan shamamen 49 gram krıstaldy metamfetamın tabylǵan. Bul jaıtqa baılanysty olar esirtki zattaryn zańsyz taratty degen kúdikke ilindi.
Indonezıa zańnamasyna sáıkes, mundaı qylmys úshin ólim jazasy qarastyrylǵan.
QR Syrtqy ister mınıstrligi oqıǵaǵa qatysty resmı túsinikteme berdi.
«Qazirgi ýaqytta atalǵan azamattarǵa qatysty Indonezıanyń quzyrly organdary sotqa deıingi tergep-tekserý jumystaryn júrgizip jatyr. Osyǵan baılanysty qosymsha aqparat jarıa etýge jatpaıdy. Qazaqstannyń Djakartadaǵy Elshiligi tergeý organdarymen jáne kúdiktilerdiń týystarymen turaqty baılanys ornatyp otyr. Bul is elimizdiń dıplomatıalyq ókildiginiń erekshe baqylaýynda», – delingen mınıstrlik málimdemesinde.
