Senattyń plenarlyq otyrysynda Qazaqstan men Halyqaralyq qaıta qurý jáne damý banki arasyndaǵy 46 mıllıard teńge kólemindegi qaryz týraly kelisim ratıfıkasıalandy. Bul qarajat «Qazaqstannyń ınklúzıv ekonomıkasy úshin jedeldetilgen sıfrlandyrý» jobasyn júzege asyrýǵa baǵyttalady.
Jobanyń negizgi maqsaty — turaqty sıfrlyq ınfraqurylymdy damytý jáne aýyl turǵyndaryn joǵary jyldamdyqtaǵy ınternetpen qamtamasyz etý.
Basty mindetterge mynalar kiredi:
-
qala men aýyl arasyndaǵy sıfrlyq teńsizdikti azaıtý maqsatynda aýyldyq eldimekenderdi ınternet jelisine qosý;
-
óńirlerdegi shaǵyn jáne orta bıznesti, qashyqtan qyzmet kórsetý men ınvestısıalardy qoldaý;
-
memleket pen jeke sektor arasyndaǵy seriktestik arqyly telekomýnıkasıalyq ınfraqurylymdy damytý.
Joba aıasynda respýblıkalyq búdjetten qosymsha qarajat bólinbeıtini jáne onyń teris áleýmettik-ekonomıkalyq saldarǵa ákelmeıtini atap ótildi.
