Astanadaǵy sot otyrysy kezinde Perızat Qaırattyń anasy Ǵaını Alashbaevanyń telefonynda saqtaǵan jazbalary kórsetildi, dep habarlaıdy Qamshy.kz aqparat agenttigi Ulysmedia.kz saıtyna silteme jasap. 

Prokýror Mádına Orazalına Perızat Qaırattyń anasy, aıyptalýshy Ganı Alashbaevanyń iPhone 13 telefonyn tekserý nátıjelerin jarıa etti.

– Perızat Qaıratpen bolǵan hat almasý qaraldy. Atap aıtqanda, 2022 jyldyń 8 qyrkúıeginde Qaırat aıyptalýshy anasyna erekshe balalarǵa arnalǵan ońaltý ortalyǵynyń qurylysy týraly prezentasıany WhatsApp arqyly jibergeni anyqtaldy. Budan bólek, Perızat Qaırat anasyna jibergen kóptegen fotosýretteri de hat almasýlarynda bar. Mysaly, is materıaldarynyń №70 jáne №71 betterinde 2022 jyldyń 1 jeltoqsanynda jiberilgen, aqsha salynǵan býma beınelengen fotosýretter bar. Aqsha somasy – 10 mln teńge. Sýrette selfı túsirilgen, – dedi Orazalına.

Odan bólek sotta Ǵaını Alashbaevanyń iPhone uıaly telefonyndaǵy “Zametkı” qosymshasyna saqtalǵan jazbalar kórsetilgen. Jazbada:

37 000 000

5 000 000 – tis emdeý

10 000 000 – týrsıaǵa baryp emdelip kelý

3 000 000 – bady alyp ishý

10 000 000 – qydyrý

3 000 000 – fen shýı

10 000 000 – bazsy oqý

2 000 000 – oflaın barý qydyrý sol ýaqyttarda

3 000 000 – kıim alý

3 000 000 – bilezik, aq altyn, brıllıant, dep jazylǵan. 

Aıta keteıik, búgin Perızat Qaıratqa baılanysty sot otyrysynyń besinshi kúni ótip jatyr. Sot prosesi jabyq rejımge kóshti.