Belgili dramatýrg, halyq jazýshysy Israıl Saparbaı ómirden ótti, dep jazady Qamshy.kz aqparattyq agenttigi. Qaraly habardy Jazýshylar odaǵy tóraǵasynyń orynbasary Qasymhan Begmanov habarlady.
"Búgin tańnan sýyq habar jetti.. Tańǵy saǵat tórt shamasynda 85 jasyna qaraǵan shaǵynda Qazaqstannyń halyq jazýshysy, Táýelsiz «Platınaly Tarlan» syılyǵynyń laýreaty, asa kórnekti ult aqyny, belgili dramatýrg, talantty sazger Israıl Saparbaı aǵamyz dúnıeden ótti. Iá, saǵat tili qasıetti jumaǵa qaraı aýǵanda sońǵy demi úzildi.
Israıl Saparbaı — qazaqtyń kórnekti aqyny, dramatýrgi, aýdarmashysy jáne tanymal án mátinderiniń avtory. Ol 1941 jyly 15 mamyrda Ózbekstannyń Samarqan oblysynda dúnıege kelgen. «Aqqý arman», «Qyzyl jel», «Júregime uıa salǵan qarlyǵash» sıaqty lırıkalyq jınaqtarymen tanymal. Sonymen qatar «Syǵan serenadasy», «Aýyldan kelgen arý» pesalary teatr sahnasynda qoıylyp, kórermenniń ystyq yqylasyna bólengen. «Parasat» ordeniniń ıegeri, Shymkent qalasynyń Qurmetti azamaty.