Shymkent ákimdiginiń ǵımaratynan órt shyqty, dep habarlaıdy qalalyq tótenshe jaǵdaılar departamenti. 14 tamyz saǵat 03.19-da "112" qyzmetine shaqyrtý túsken.
"Ál-Farabı aýdany Táýke han dańǵyly №3 mekenjaıynda ornalasqan ákimshilik ǵımaratynan órt shyqqan. Tilsiz jaý jalpy kólemi 1200 sharshy metr aýmaqqa jaıylǵan. Ǵımarattyń shatyry janǵan", - deıdi vedomstvo.
Órt saǵat 04.58-de oqshaýlanyp, saǵat 05.27-de tolyǵymen sóndirildi. Órtte zardap shekkender men qaza bolǵandar joq. Órttiń sebebi anyqtalýda.
"Órtti sóndirýge Shymkent qalasy TJD 21 birlik tehnıka jáne jeke quramnan 88 adam, TJM apattar medısınasy ortalyǵynan 1 tehnıka, 3 adam, jergilikti atqarýshy organnan 2 tehnıka, 2 adam jumyldyryldy", - deıdi departament.
