AQSH prezıdenti Donald Tramp pen RF prezıdenti Vladımır Pýtın erteń Ankorıdje shtatynda samıt ótkizbek. Basty taqyryp – Reseı men Ýkraına arasyndaǵy soǵysty toqtatý, beıbit kelisimniń alǵysharttaryn talqylaý. Tramp samıtten buryn Ýkraına prezıdenti Zelenskıımen jáne EO memleketteri basshylarymen telefon arqyly sóılesip, aldynan ótti. 

Birqatar basylymdar Tramptyń «Reseı men Ýkraına terıtorıa almasýy múmkin» degen boljamdaryn taratty. Qazaqstan Respýblıkasy Prezıdenti de Zelenskıımen telefon arqyly sóılesip, «janjaldan, jaman bolsa da bitim artyq» degen mazmundaǵy pikir bildirgen edi. Tramppen kezdesý naqtylanardan buryn Pýtın Úndistan premerine, QHR tóraǵasyna, Qazaqstan jáne Ózbekstan lıderlerine telefon shalǵan edi.

Reseılik basylymdar da kezdesý aldynda aqparat alańynyń kórigin qyzdyryp jatyr. «Tramp pen Pýtın, eń aldymen, AQSH-tyń Reseıge qarsy ekonomıkalyq sanksıalaryn jeńildetý máselesin talqylaıdy» degen rıtorıka jetekshi basylym betterinde órip júr. Tipti, Reseı Ǵylym akademıasy Qaýipsizdik máselelerin zertteý ortalyǵynyń dırektory Konstantın Blohın «AQSH óz sanksıalarynan ózi zardap shegip otyr» dep resmı málimdep úlgerdi.

Ýkraına terıtorıa talqylaýǵa barmaıtynyn jáne eń sońǵy sóz Reseı men Ýkraına arasyndaǵy kelissózder kezinde aıtylatynyn jetkizdi. Fransıa prezıdenti Makron da Tramppen telefon arqyly tildesip, eýropalyqtardyń ustanymy men Ýkraına pozısıasy birinshi kezekte bolatyny týraly ýáde alǵanyn jarıalady.

Eýropalyqtar da, reseılikter de, tipti, amerıkalyqtardyń ózi atalǵan kezdesýge barynsha yqpal etýge tyrysady. Álem nazaryn tikken kezdesý beıbitshilikke bastasyn dep tileımiz.