Memleket basshysy birqatar vedomstvonyń jumysyn, jalpy strategıalyq mindetterdiń oryndalý barysyn synǵa alǵanyn bilesizder. Negizgi taqyryp – jasandy ıntellekt naryǵyn qalyptastyrý, zańnamalyq bazasyn júıeleý jáne ony tıimdi paıdalaný tóńireginde boldy. Prezıdent atalǵan jumystardyń oryndaý qarqyny baıaý ekenin aıtty. 

Keshe QR Premer-mınıstri Oljas Bektenov Memleket basshysynyń jasandy ıntellektini damytý jónindegi tapsyrmasyn oryndaý jóninde jınalys ashyp, birqatar Úkimet múshelerin jınady.

Jıyn barysynda ekonomıka sektorlaryna, memlekettik basqarýǵa, densaýlyq saqtaý júıesine JI engizý, JI jáne sıfrlyq transformasıa strategıasyn ázirleý, ótinishtermen jumys jáne memlekettik qyzmetterdi usyný jumysyn kúsheıtý, İT-arhıtektýrany jáne QazTech ulttyq platformasyn modernızasıalaý, otandyq İT startap jobalaryn qoldaý jáne kıberqaýipsizdikti nyǵaıtý máseleleri talqyǵa tústi.

Úkimetbasy ótkizgen jınalys qorytyndysynda Sıfrlyq shtab quryldy. Premer-mınıstr tóraǵalyq etetin shtab quramyna Úkimettiń Apparat basshysy, Strategıalyq josparlaý jáne reformalar agenttiginiń tóraǵasy, Sıfrlyq damý, ınovasıalyq jáne aeroǵaryshtyq ónerkásip mınıstri, Prezıdenttiń sıfrlandyrý máseleleri jónindegi keńesshisi kirdi.

Sondaı-aq, qazirgi tańda jasandy ıntellekt paıdalaný jáne oǵan baılanysty ózge de máselelerdi qamtıtyn zań jobasy qarastyrylyp jatqanyn eske salamyz. JI naryǵyn júıeleý – bolashaq ınovasıada básekege qabiletti bolýdyń negiz.