Memleket basshysy Qasym-Jomart Toqaev Almaty oblysynyń ákimshilik-aýmaqtyq qurylymyn ózgertý týraly jarlyqqa qol qoıdy.

«Almaty oblysynyń ákimshilik-aýmaqtyq qurylysyndaǵy ózgerister týraly «QR ákimshilik-aýmaqtyq qurylysy týraly» QR Zańynyń 9-babyna sáıkes qaýly etemin:

• Almaty oblysynyń İle aýdany odan Jetigen aýylyn bólý jolymen qaıta uıymdastyrylsyn.
• Almaty oblysy İle aýdanynyń Jetigen aýyly oblystyq mańyzy bar qala sanatyna jatqyzylsyn jáne onyń ataýy Alataý qalasy bolyp ózgertilsin.
• Qazaqstan Respýblıkasynyń Úkimeti osy Jarlyqtyń 1 jáne 2-tarmaqtaryn iske asyrý jóninde qajetti sharalar qabyldasyn,

delinedi prezıdent qaýlysynda.

Jetigen aýyly 1993 jylǵa deıin Nıkolaevka, 1873 jylǵa deıin Kýtentaıskoe dep atalǵan.

2022 jyly aýyl turǵyndarynyń sany 25 myń adamnan asqan.