«Astana temirjol» FBB ósimdikter karantıni jónindegi memlekettik ınspektorlarmen karantındik fıtosanıtarıalyq baqylaý qadaǵalaý jumystaryn júrgizý barysynda Reseı Federasıasy aýmaǵynan ákelingen 108 oryn nemese 2700 dana bolatyn býma pakette qyzanaqtyń tuqymdary qaýipti vırýspen zalaldanǵanyn anyqtady. Ónim elorda aýmaǵyna eńgizýge tyıym salyndy jáne «NTP Kazecotech» kompanıasynyń mamandandyrylǵan peshinde órteý ádisimen joıyldy.

Qyzanaqtyń qońyr qatparly vırýsy (tobamovırýs, ToBRFV) tuqymdarda saqtalady jáne baılanys arqyly ońaı taralady. Bul vırýstyń adam densaýlyǵyna zıany joq, alaıda Solanaceae tuqymdas barlyq daqyldardy zaqymdaıtyn qaýipti patogen. Vırýs jappaı taralǵan jaǵdaıda ónimniń 80%-ǵa deıin joıylýy múmkin», - dep jazylǵan habarlamada.

Sonymen qatar atalǵan fakti boıynsha ÁQBK-niń 400-baby 2-bóliginiń 1) tarmaǵy negizinde ónim ıesine ákimshilik is qozǵalyp, 103 376 teńgege aıyppul salyndy.