Qyzylordada kókpardan eresekter arasynda Qazaqstan Respýblıkasynyń XXIII chempıonaty bastaldy.

Kókparǵa Abaı, Aqmola, Atyraý, Jambyl, Qaraǵandy, Qyzylorda, Qostanaı, Mańǵystaý, Soltústik Qazaqstan, Túrkistan, Ulytaý, Jetisý oblystarynyń, Astana jáne Shymkent qalalarynyń qurama komandalary, sondaı-aq Ortalyq armıa sport klýbynyń komandasy qatysady.

Chempıonattyń alǵashqy oıynynda Ulytaý oblysy – Armıa sport klýby, Qostanaı oblysy – Atyraý oblysy, Astana qalasy – Qaraǵandy oblysy, Almaty oblysy – Mańǵystaý oblysy, Túrkistan oblysy – SQO, Aqmola oblysy – Shymkent qalasy, Abaı oblysy – Jambyl oblysy, Jetisý oblysy – Qyzylorda oblysy komandalar arasynda toptyq jarystar ótti.

Jarystyń kelesi kezeńderi, ıaǵnı, kókpardan Qazaqstan Respýblıkasy chempıonatynyń fınaly 29 sáýirde ótedi.

Eske sala ketsek, Respýblıkalyq kókpar federasıasy Qazaqstan Respýblıkasy Ulttyq sport qaýymdastyǵynyń quramyna kiredi. Qaýymdastyq quramynda budan ózge, báıge, aýdaryspaq, teńge ilý, sadaq atý, jamby atý, qusbegilik, asyq atý, «JORYQ» at sporty jáne t.b. federasıalar bar. QR Ulttyq sport qaýymdastyǵyn belgili kásipker, mesenat, «Altyn Qyran Foundation» Qoǵamdyq qory Qamqorshylyq keńesiniń tóraǵasy Islambek Saljanov basqarady.