Aıdarbek Qojanazarov tatamıde ójettik tanytyp, kúshi sarqylǵansha beldesken Ábıba Ábýjaqynova rıza bolǵanyn aıtty. Ol Parıj tórinde óner kórsetken qazaq qyzynyń tárbıesi men tektiligine tańdanǵanyn da jasyrǵan joq.

- Túnimen dóńbekship uıyqtaı almadym. Oǵan sebep - Ábıba qaryndasymnyń kóz jasy. Bul namystyń kóz jasy. Bul tektiliktiń belgisi. Bul úlken tárbıeniń úlgisi! Qysqasy, Ábıba qyzymyzǵa óz atymnan arnaıy syıaqy beremin. Parıjde Qazaqstannyń abyroıyn qorǵaımyn dep baryn saldy. Jaraqat alsa da qaıtqan joq. Osyndaı eńbekti baǵalaý kerek. Osyndaı patrıottyqty nasıhattaý kerek! Qanekı, jalǵastyraıyq, qazaqtyń jigitteri!, -dedi Aıdarbek Qojanazarov.

Aıta keteıik, kúni keshe aıtysker aqyn Muhtar Nıazov atymtaı azamattardy Ábıba Ábýjaqynovany qoldaýǵa shaqyrǵan edi. Al Ábıbanyń ózi Parıj Olımpıadasynda júlde ala almaǵany úshin halyqtan keshirim surady.