Búgin Qarýly Kúshterdiń barlyq túrleriniń, ásker tekteriniń, óńirlik qolbasshylyqtardyń, quramalardyń, áskerı bólimder men mekemelerdiń jeke quramy dabyl qaǵý boıynsha kóterildi, dep habarlaıdy respýblıkanyń qorǵanys mınıstrligi.

Qarýly Kúshter jaýyngerlik daıyndyq sabaqtaryn ótkizý sheńberinde dabyl boıynsha kóterildi, dep naqtylady vedomstva ókilderi.

Qarýly Kúshterdegi osy is-sharalardan dástúrli túrde jazǵy oqý kezeńi bastalady. Ol 1 maýsymda bastalyp, 31 qazanda aıaqtalady.

"Turaqty ornalasý pýnktterinde, polıgondarda, áýeaılaqtarda, bastapqy pozısıalarda jáne teńizde júktelgen jaýyngerlik mindetterdi oryndaýǵa daıyndyq máseleleri jáne árbir áskerı qyzmetshiniń is-qımyl tártibi is júzinde pysyqtalýda. Tehnıkanyń shyǵýymen jáne belgilengen oryndarda basqarý pýnktterin ornalastyrýmen jattyǵýlar men sabaqtar ótkiziledi", - delingen habarlamada.

Áskerlerdiń yqtımal qaýipterge den qoıý qabileti, birlestikter, quramalar men áskerı bólimder arasyndaǵy túraralyq ózara is-qımyldy uıymdastyrý deńgeıi tekseriledi.

Bul is-sharalar áskerı basqarý organdary jumysynyń úılesimdiligin arttyrýǵa, basqa áskerlermen jáne áskerı quralymdarmen ózara is-qımyldyń tıimdiligin arttyrýǵa, sondaı-aq jeke quramnyń praktıkalyq daǵdylaryn jetildirýge yqpal etedi.

Buǵan deıin Qorǵanys mınıstrligine jaýyngerlik tehnıkany aýystyrý týraly eskertilgen bolatyn. 3-6 maýsym aralyǵynda elimizde Qarýly Kúshterdiń jaýyngerlik daıyndyǵy boıynsha jattyǵýlar ótkiziledi. Ol úshin áskerı tehnıka sherýmen jáne temirjol kóligimen Qazaqstannyń túrli óńirlerindegi polıgondarǵa aýystyrylady, dep atap ótti vedomstvoda.