Astanada Esil ózeniniń jaǵasyndaǵy Kenesary hannyń eskertkishi jóndeýden ótkizilip, bastapqy ornyna qaıta qoıyldy. Bul týraly Memlekettik keńesshi Erlan Qarın málimdedi.

— Eskertkish ýaqytsha alynyp tastalǵan kezde áleýmettik jelide ártúrli alypqashpa áńgimeler tarady. Túsinikteme berilgenine qaramastan, keıbir azamattar "Kenesary hannyń eskertkishi múlde alynǵan, qaıta ornatylmaıdy" degen jalǵan aqparat taratty. Shyn máninde, eskertkishke jóndeý qajet boldy. Ol qaıta qalpyna keltirilip, bıikteý tuǵyrǵa ornatyldy. Qazir aınalasynda abattandyrý jumystary júrip jatyr, — dedi Erlan Qarın.

Eske sala keteıik, Kenesary hannyń eskertkishi 2023 jylǵy qarasha aıynda bólshektelgen bolatyn. Astana qalalyq mádenıet basqarmasynyń málimetinshe, eskertkishtiń irgetasy qısaıyp, qurylymdyq turǵydan qaýipti bolyp tanylǵan. Sondyqtan músin arnaıy jóndeý jumystaryna jiberilgen edi.