Qazaqstan Respýblıkasy Parlamenti Senatynyń depýtaty Sultan Dúısembınov Almaty oblysyndaǵy Talǵar aýdanynda zıaly qaýym ókilderimen, kásipkerlerimen, aýyl eńbekkerlerimen jáne jastarmen kezdesti.

Qazaqstanda atom elektr stansıasynyń qurylysyn salý kezdesýdiń negizgi taqyryby boldy. Senator óz sózinde atom elektr stansıasyn salý máselesi elimizdiń qazirgi energetıkalyq máselelerin sheshýdegi mańyzdy qadam ekenin atap ótti. Dúısembınovtyń aıtýynsha, AES Qazaqstanǵa elektr energıasyna degen ósip kele jatqan suranysqa jaýap berip qana qoımaı, bolashaqta turaqty ekonomıkalyq ósimge negiz bolady.

- Atom elektr stansıasy Qazaqstannyń kómirtegi energıa kózderine táýeldiligin azaıtady, bul elimizdiń ekologıalyq jaǵdaıyna oń ózgerister ákeledi. AES aınalasyndaǵy ınfraqurylymdy damytý jańa jumys oryndaryn ashýǵa jáne óńirdi damytýǵa yqpal etetin bolady, - dep atap ótti Sultan Dúısembınov.

Senator sonymen qatar, atom energıasyn paıdalanýdyń halyqaralyq tájirıbesine egjeı-tegjeıli toqtaldy jáne onyń ekologıalyq artyqshylyǵyn atap ótti. Ol atom energetıkasyna kóshý kómirtegi shyǵaryndysyn azaıtady jáne klımattyń ózgerýine yqpal etedi. Bul ásirese qazirgi ekologıalyq qaýip-qater jaǵdaıynda mańyzdy ekeni aıtyldy.

Sultan Dúısembınov kezdesý sońynda Talǵar aýdanynyń turǵyndaryn 6 qazanda ótetin aldaǵy referendýmǵa belsendi qatysýǵa jáne AES salý máselesi boıynsha óziniń azamattyq ustanymyn bildirýge shaqyrdy.