Áleýmettik jelide Memlekettik rámizderdiń qoqysta jatqany taspalanǵan vıdeo tarady. Aýdan ákimdiginiń málimetine sáıkes, beınejazba Talǵar aýdanyna qarasty Qaınar aýyldyq okrýginiń Erkin aýylynyń aýmaǵynda ornalasqan qoqysta túsirilgen.

- Jergilikti atqarýshy organ qyzmetkerleri qoqysta tekseris júrgizdi. Tekseris barysynda memlekettik rámizdermen birge kolej qujattary tabyldy. Rámizder qoqystan shyǵaryldy. Joıý jumystary memlekettik tý men rámizdi aýystyrý jáne joıý erejesine sáıkes júrgiziledi, – dedi Talǵar aýdanynyń ákimdigi. 

Almaty oblysynyń Polısıa departamenti Memlekettik rámizderdi qorlaý faktisi boıynsha polısıa qylmystyq is qozǵalǵanyn málimdedi.

- Talǵar aýdandyq polısıa qyzmetkerleri bolǵan oqıǵanyń barlyq mán-jaılaryn anyqtaý úshin qajetti jedel is-sharalar uıymdastyrdy. Kináli adamdarǵa qoldanystaǵy zańnamaǵa sáıkes tıisti sharalar qabyldanatyn bolady - dep habarlady oblystyq PD baspasóz qyzmeti.