Elimiz halyqaralyq bankten 272 mlrd teńge qaryz almaq. Májilis Halyqaralyq qaıta qurý jáne damý bankinen nesıe alý týraly kelisimdi maquldady. Tıisti qujatty Úkimet ázirlegen. Qaryz 11 jylǵa beriledi. Májilis depýtaty Tatána Savelevanyń sózinshe, Úkimet qomaqty qarajatty búdjet tapshylyǵyn rettep, el ekonomıkasynyń turaqtylyǵy úshin alyp jatyr.

- Atalǵan kelisim 2024 jylǵy 11 qazanda Astanada jasalǵan. Halyqaralyq Qaıta Qurý jáne Damý bankiniń qaryzy Qazaqstan Respýblıkasyna 84,9 mlrd ıen somasynda beriledi. Ony óteý merzimi - 11 jyl. Qaryz qarajaty el ekonomıkasynyń turaqtylyǵyn qoldaý úshin tartylyp jatyr. Májilistiń Qarjy jáne búdjet komıteti osy zań jobasy boıynsha qorytyndy ázirleýge daıyn, - dedi palata depýtaty Tatána Saveleva Májilistiń jalpy otyrysynda.

Zań jobasy 2024 jylǵy 18 qarashada Úkimet qaýlysymen engizildi.