Darhan Satybaldy bul másele ondaǵan jyl boıy kóterilip kele jatqan málele ekenin aıtady.

«Shardara, Arys, Otyrar, Saýran aýdandarynyń jáne Túrkistan qalasynyń bir bóligi — bári de Aral mańyndaǵy daǵdarys aldyndaǵy aımaqqa jatady. Sondyqtan olar ekologıalyq aımaqqa enedi. Alaıda jaǵdaı mynadaı: Saýran aýdany Kentaý qalasymen shektesedi, onyń jartysy Kentaý qalasynyń aýmaǵynda ornalasqan jáne ekologıalyq apat aımaǵyna enbeıdi. Osyǵan baılanysty turǵyndar «Kentaýdy Aral mańynyń daǵdarys aldyndaǵy aımaǵyna qosý týraly» normatıvtik qujat qabyldaý máselesin kóterip jatyr», — deıdi ol.

Bul sheshim turǵyndar jalaqysyna 20% ústemeaqy qosýǵa múmkindik beredi. Jáne ol úshin qosymsha 6 mıllıard teńge qajet ekenin de aıtty.

«Densaýlyq saqtaý jáne Ekologıa mınıstrlikteri tıisti zertteýler júrgizip, ekologıanyń Kentaý turǵyndaryna da áser etetinin anyqtady. Osylaısha, Kentaýdy ekologıalyq aımaqqa engizýge bolady degen sheshim qabyldandy. Bul úshin qosymsha 6 mıllıard teńge qajet. Qazirgi ýaqytta osy qarajattyń qaıdan bólinetinin — respýblıkalyq nemese jergilikti búdjetten alý múmkindikterin qarastyryp jatyrmyz. Degenmen, jalpy alǵanda, mundaı sheshim qabyldanǵanyn aıtýǵa bolady», — dedi Darhan Satybaldy Ortalyq komýnıkasıalar qyzmetinde ótken baspasóz máslıhatynda.