Qostanaıdyń 92 jastaǵy turǵyny Iaroslav Harenko tabany taımaıtyn etik oılap tapqan. 30 jyl buryn kóktaıǵaqta qulap qatty mertikken qart turǵyn, taımaıtyn tabandy ózi jasap shyǵarǵan. Bul týraly "Qamshy" portaly  Astana arnasyna silteme jasaı otyryp habarlaıdy.

Keıin Lenıngrad etik fabrıkasyna aıryqsha aıaq kıimdi jappaı óndirý jaıly usynys jasapty. Biraq ónertapqyshtyń ótinishin buryn da, búgin de eshkim eskermeı otyr.

Qalalyq bılik ókilderi zeınetkerge qaltaly azamttarǵa júginýdi nusqapty. Al kónekóz qarıa bolsa, kóktaıǵaqtan jaraqat alyp jatqan jandarǵa janym ashıdy-, deıdi.

“Men Qostanaı bıligine habarlasyp, taımaıtyn taban shyǵarýdy usyndym. Qazir qanshama kópshilik kóktaıǵaqtan zardap shegip jatyr. Al olar bolsa, tek keńes berýmen shekteldi. Maǵan bıznesmen  taýyp, usynysyńyzdy solarǵa jetkizińiz”, – deıdi zeınetker Iaroslav Harenko.

Qostanaı oblysynda úsh kúnniń ishinde kóktaıǵaqtan zardap shekken turǵyndardyń sany 500-ge jýyqtady. Bul kúnderi óńirdegi jaraqat bólimsheleriniń túgeli kúsheıtilgen tártipte jumys istep jatyr, – deıdi densaýlyq saqtaý basqarmasynyń ókilderi. Úsh táýlikten beri tek qalalyq aýrýhanaǵa úsh júzge jýyq adam júginip, qatty zaqym alǵan elý naýqas emdelýge jatqyzylypty.