Reseıdiń qarjylandyrýy qysqartylǵannan keıin Qazaqstannyń júzdegen azamaty Baıqońyrda jumystarynan aıyryldy.  Bul týraly "Qamshy" portaly  Qazaqstan jańalyqtary qyzymetine  silteme jasaı otyryp habarlaıdy.

“Baıqońyr qalasy ákimshiligi basshysynyń qaýlysymen qarjylandyrýdyń qysqartylýyna baılanysty “Roskosmos” uıymynan jáne qalanyń búdjettik uıymdarynan aǵymdaǵy jyly 600 astam adam jumystan bosatyldy, kelesi jyly shamamen 1500 adamdy qysqartý josparlanýda. Negizinen (3/4 jýyq) bul Qazaqstan azamattary”, — dep habarlanǵan  ákimdiktiń baspasóz qyzymetinde.

Óńir bıliginiń málimetinshe, jumyssyz qalǵan Baıqońyr turǵyndaryn jumysqa ornalastyrý máselesin selektorlyq otyrysta Qyzylorda oblysy ákimi Qyrymbek Kósherbaev kóterdi, sondaı-aq atalmysh másele Qazaqstan úkimetinde selektorlyq otyrys barysynda talqylandy.

Jalpy, ǵarysh aılaǵyn jalǵa alý ýaqytynda reseılik tarap qalany damytýǵa qarajat bólmegen. Budan basqa, 2008 jyly salynǵan perzenthana áli kúnge deıin túrli syltaýlarmen reseılik taraptyń  qabyldanýynda bolmaǵan. Soǵan baılanysty óńir basshysy Baıqońyr qalasy nysandaryn jaldaýdan shyǵarýdy usynǵan.