30 qarasha kúngi Elbasynyń halyqqa Joldaýy tikeleı efırden kórsetiletin boldy. Bul týraly «Qamshy» portaly Prezıdenttiń baspasóz qyzmetine silteme jasaı otyryp habarlaıdy.
«Biz Elbasy 30 qarashada halyqqa Joldaýyn jasaıdy degen aqparatty rastaımyz. Sonymen qatar, birneshe respýblıkalyq telearnadan Joldaýdyń tikeleı efırin uıymdastyrýdy josparlap otyrmyz» deıdi Prezıdenttiń keńesshisi – baspasóz hatshysy Dáýren Abaev.
Prezıdent jyl sońyna deıin halyqqa Joldaý jasaıtynyn Úkimettiń keńeıtilgen otyrysynda málimdegen edi.
«Myna qıyn-qystaý kezeńde bizge ne isteý kerek ekenin osy jylǵy Joldaýymda jarıalaıtyn bolamyn. Osy kezeńde Úkimet pen ákimder ekonomıkalyq ósimdi, halyqty jumyspen qamtý men tabysyn qoldaý úshin barlyq rezervti qarastyrýy kerek» degen edi Prezıdent N. Nazarbaev.
