Parlament Májilisiniń depýtaty  Muhtar Tinikeev eldiń ár aımaǵynda ótip júrgen azyq-túlik jármeńkelerin synǵa aldy. Bul týraly «Qamshy» portaly habarlaıdy.

Májilistiń plenarlyq otyrysynda depýtat Ulttyq ekonomıka mınıstriniń orynbasary Marat Qusaıynovqa dúrse qoıa berdi.

«Bireýdikin tartyp alyp, ekinshi adamdy baqytta ete almaımyz. Sizder jármeńkelerdi jalaýlatyp júrsizder. Osy jármeńke arqyly sharýalardan neni tartyp alyp júrgenimizdi bilesiz be? Biz olardy taýarlaryn úsh ese arzan baǵaǵa qalaǵa ákep satýǵa májbúrleý arqyly turalatyp jatyrmyz. Ol ónimderdi kimder satyp alyp júr? Jıp mingen baılar qapshyqtap satyp áketedi. Al, qalanyń syrtynda turatyn qartań kisiler jármeńkege jete de almaıdy. Osy áleýmettik pavılondardy ár aýdanda ashýdy qoldaısyz ba? Sharýalardy shyǵynǵa batyrýdy toqtatý kerek» deıdi depýtat.

Marat Qusaıynov ta qarap qalmady. Májilis depýtatynyń saýalyna áleýmettik pavılondardy ashý durys degen óz ýájin aıtty.

«Aýylsharýashylyǵy ónimderin óndirýshilerge arnaıy oryndar beriledi. Mysaly, Astanada olar óz taýarlaryn deldalsyz sata alady. Komýnaldyq bazarlarda oryndardyń 25 paıyzy jergilikti taýar óndirýshilerge usynylyp keledi» dedi vıse-mınıstr.