Qazaqstandyq sportshy Jazıra Japparqul aýyr atletıkadan Hústonda ótip jatqan álem chempıonatynda kúmis medal jeńip aldy, - dep habarlaıdy Vesti.kz.
69 kelige deıingi salmaq dárejesinde synǵa túsken 21 jastaǵy sportshy qyz julqa kóterýde alǵashqy jattyǵýyn 112 keliden bastady. Ekinshisinde 116 kelige tapsyrys bergen ol muny da sátti oryndaı aldy. Degenmen Jazıra úshinshi múmkindiginde 120 kelini baǵyndyra almady. Serpe kóterýde 140 kelini alǵashynda ıgere almasa da, ekinshi múmkindiginde bul jattyǵýdy sátti oryndady. Osylaısha Jazıra ekinshi oryn aldy. Dál osy salmaqta óner kórsetken taǵy bir qazaqstandyq qyz Maııa Maneza onynshy orynnan kórindi.
Erler arasynda 94 kelige deıingi salmaq dárejesinde Almas Óteshov te kúmis medal ıelendi. Al Jasulan Qydyrbaev qola medaldi qanaǵat tutty.
