Reseı jáne Grýzıa aýmaǵy arqyly Túrkıadan Qazaqstanǵa taýar ákele jatqan ondaǵan júk kóligi  grýzındik “Kazbegı”  men reseılik “Verhnıı Lars” kedendik-ótkizý beketi arasyndaǵy beıtarap aımaqta Reseıge kirýge ruqsat kútip tur, - dep habarlaıdy «Qamshy» portaly nur.kz-ke silteme jasap.

Budan buryn RF aýyl sharýashylyǵy basshysy Aleksandr Tkachev úkimettiń Reseı aýyl sharýashylyǵy qadaǵalaý komıtetine Túrkıadan ákelinetin aýyl sharýashylyǵy ónimderine baqylaýdy kúsheıtýdi, sondaı-aq Reseı shekarasynda jáne Túrkıanyń ózinde óndiriste qosymsha tekserýler uıymdastyrýdy tapsyrǵanyn málimdedi.

“Beıtarap aımaqta qazirgi ýaqytta 30-ǵa jýyq mashına tur, jaǵdaı ázirge ózgergen joq”, — dep habarlady Kiris qyzmetinen.

Júrgizýshilerdiń ózderi jýrnalıserge shekaradan qashan ótetinin bilmeıtindikterin aıtty. Júrgizýshilerdiń aıtýynsha, olar óz jumystaryn ǵana atqarýda jáne eki el arasyndaǵy saıası prosester bul iste olarǵa kedergi keltirmeýi tıis.

“Reseılik tarap bizdi Qazaqstanǵa túrik taýarlaryn tasymaldaıtyndyqtan, jibermeı otyr. Munda turǵanymyzǵa birneshe kún boldy. Munda Ázirbaıjan, Túrkıa, Armenıa azamattary tur, negizinen barlyǵy Túrkıadan júk tasymaldaıdy”, — dedi júrgizýshilerdiń biri.