Qazaqstan aýmaǵynda qyzmet etetin sheteldik uıymdar óz týlarymen qatar qazaqtyń kók baıraǵyn da ilýge mindetti. Bul týraly «Qamshy» portaly habarlaıdy.

Bul týraly búgin Ortalyq komýnıkasıalar qyzmetindegi brıfıńte  Mádenıet jáne sport mınıstrliginiń Tilderdi damytý jáne qoǵamdyq-saıası jumystar komıteti tóraǵasynyń orynbasary Vasılıı Porýbaımeh málimdedi.

«Zańǵa engizilgen ózgertýler men tolyqtyrýlar jaıyna toqtalar bolsam, 4-bapqa túzetý engizildi. Qujatta memlekettik rámizderdi qoldaný tájirıbesin keńeıtý maqsatynda memlekettik zańdy tulǵalardyń, sonymen qatar ulttyq kompanıalardyń, holdıńterdiń, Qazaqstan Respýblıkasy jalǵyz aksıoner bolyp tabylatyn jaýapkershiligi shekteýli seriktesterdiń memlekettik sımvolıkalarǵa arnalǵan ekspozısıalary úshin arnaıy úı-jaılar bólý qarastyrylǵan», – deıdi Vasılıı Porýbaımeh.

Komıtet tóraǵasy orynbasarynyń sózine qaraǵanda, ekspozısıada memlekettik rámizderdi daıyndaý tarıhy, olardyń avtorlary jaıyndaǵy aqparattar bolady.

«Zańnyń taǵy bir jańa normasyna sáıkes, Qazaqstan Respýblıkasynyń aýmaǵynda qyzmetin júzege asyratyn sheteldik uıymdar óz týlaryn Qazaqstannyń memlekekettik týymen bir mezgilde ornalastyrýǵa mindetti», – dedi Porýbaımeh.