Jańa jyldan bastap Eltańba ózgeredi, - dep habarlaıdy «Qamshy» portaly "Almaty" telearnasyna silteme jasap.

Aqparat quralynyń málimetinshe, keler jyldyń 1 qańtarynan bastap Qazaqstanda jańa úlgidegi Eltańba engiziledi. Bul týraly búgin  Ortalyq komýnıkasıalar qyzmetindegi brıfıńte Memlekettik Eltańbanyń avtory Jandarbek Málibekov málimdedi.

"2016 jyldyń 1 qańtarynan bastap jańa Eltańbamyz engiziledi. Bizdiń memlekettik sımvoldarymyz elimizdiń zańdarymen, Konstıtýsıamyzben bekitilgen. Degenmen, Qazaqstannyń memlekettik Eltańbasyna qazirgi tehnologıalarǵa, búgingi kúngi kóptegen ózgeristerge baılanysty ólshemderdi, modelderdi, 3D modeldenýi retke keltirip, ataýlary naqty engiziledi. Biraq, tolyqtaı alǵanda memlekettik rámizderimizge esh ózgeris engizilmeıdi. Al, eski úlgidegi Eltańba 2017 jyldyń sońyna deıin qoldanyla beredi. Jańa Eltańbaǵa toqtalsaq, onyń ólshemderin, jańa nusqasyn daıyndaý ońaıǵa túsken joq. Shamamen 5-6 jyl ýaqyt ketti. Degenmen, ol jańa quraldar, tehnologıalar boıynsha jasaldy", - deıdi Eltańba avtory.

Eltańba avtory sondaı-aq qazir qoldanyp júrgen Eltańbanyń esh ataýy joq ekenin aıtady.

"Qazirgi Eltańbanyń esh ataýy joq. Oǵan kóz salǵanda qaı jerinde ne turǵany belgisiz. Sondyqtan, 40-tan astam ataý berdik. Ár ataýdyń ózindik ólshemi, óz orny, sıpattamasy bar", - dedi J. Málibekov.