Almaty turǵyndary satyp alǵan nandarynyń arasynan bes jándikti taýyp aldy, - dep habarlaıdy «Qamshy» portaly Tengrinews.kz-ke silteme jasap.

Oqıǵa 20 qarashada bolǵan, almatylyq Balnur Piráli qala mańynda turatyn qurbysynyń úıine qonaqqa barǵan. "Dastarhan basynda áńgimelesip otyryp, bir mınýt oıǵa shomyp kettim jáne kózim jartylaı kesilgen nanǵa tústi. Onda túsiniksiz qara daqtar boldy. Biz ony qarap, shuqyǵannan keıin qońyzdar ekenin túsindik. Biz bir nannan bes jándikti alyp shyqtyq, nan oramaǵa oralǵan bolatyn", - dedi ol.

Nannyń Almatynyń ortalyǵyndaǵy sýpermarketterdiń birinde satyp alynǵany anyqtaldy. Daıyndalǵan ýaqyty retinde 19 qarasha kórsetilgen. "Túsinbeımin, ol jerge qońyzdar qaıdan kelgen, beseýi birdeı. Biz eshqaıda shaǵymdanǵan joqpyz, nandy keıin laqtyra saldyq. Ókinishke qaraı, chek te joq, saqtamappyz. Mundaıǵa jol bermeý úshin óndirýshi kompanıa jaǵdaıdy retteýi tıis", - dedi qyz. 

Osyǵan uqsas oqıǵa buǵan deıin Astanada boldy. Elordalyq turǵynnannyń ishinen shege taýyp aldy. Nan "Ánýar" dúkeninen satyp alynǵan. Alaıda kásiporynnyń komersıalyq dırektory shegeniń nannyń ishinde bolýy múmkin emes ekenin aıtty.