Qazaqstandyq ánshi Aıqyn Tólepbergen men reseılik mýzykant Soso Pavlıashvılı birigip án jazdy, - dep habarlaıdy «Qamshy» portaly massaget.kz-ke silteme jasap.

Aıqynnyń aıtýynsha dýet jazý týraly oı jaqynda ǵana kelgen. «Men  qarasha aıynyń basynda konsertterdiń birinde Qazaqstanǵa reseılik jáne sheteldik ártisterdi ákelip júrgen Aslan Tileýbaımen kezdesip qaldym. Sóz arasynda reseılik ánshimen dýet aıtý týraly áńgime boldy. Men Aslannan ótinip edim, qandaı ánshimen án aıtqym keletinin surady. Men  Soso Pavlıashvılımen án aıtýdy qalaıtynymdy jetkizdim. Onyń ánderi, shyǵarmashylyǵy, sahnada ózin ustaýy maǵan burynnan unaıtyn. Karaokege barǵanda da, sonyń ánderin tańdaıtynmyn. Eki kúnnen soń maǵan Soso Pavlıashvılıdiń keliskenin jetkizdi» − deıdi Aıqyn.

Jaqyndy Aıqyn Máskeýge baryp, birge án jazyp qaıtty. «Men eki ándi usyndym, ol da eki ánin kórsetti. Sońynda Sosonyń ózi jazǵan bir ánge toqtadyq» − deıdi Aıqyn. Án jazý kezinde Soso Aıqynǵa: «Aıqaılama, án aıtqanda ózinniń súıiktińniń qulaǵyna sybyrlaǵandaı aıt» − degen. Bul sóz Aıqynnyń kóńilinen shyǵypty.

Eki ánshiniń birigip jazǵan ánin tyńdarmandar osy jyldyń sońyna deıin estı alady.  Al beınebaıan jeltoqsannyń ortasynda túsiriledi dep josparlanyp otyr.

Sondaı-aq, Aıqyn daıyndyq kezindegi sýretteri men vıdeony Instagram paraqshasyna júktep qoıǵan.

Aıqyn Pavlıashvılımen birge jumys istegen sátinen keremet áser alǵanyn alǵa tartady. «Jaqsy adamnyń qasynda ótkizgen bir saǵatyń bir kitapty oqyp shyqqanmen teń. Naǵyz mýzykant. Óz isiniń kásibı sheberi», — deıdi otandyq ánshi mıkroblogynda.