Kóńildi júrý – aldaǵy sáttiliktiń jarshysy bola alady. Ol úshin bolmasqa renjip, aýa-raıyna qobaljýdyń qajeti joq. Bastysy – óz kóńilińizdi ózińiz kótere bilińiz. Olaı bolsa biz sizderge kóńildi júrýdiń 10 qupıasy týraly aıta ketpekpiz.

1. Únemi kóńildi júrý úshin ózińizdi baqylap úırenińiz. Bolmaıtyn nárselerge renjip, jaqyndaryńyzdy renjitpeńiz. Kóńilińizdi qaldyrǵan adamdardy keshire bilińiz. Sol arqyly ózińizge zıan ákeletin jek kórýshilik, kek qaıtarý degen jaman oılardan arylasyz.

2. Kez kelgen nársege ázilmen qarańyz. Dostaryńyzdyń arasynda kúlki syılap júrińiz. Kópshiliktiń arasynda yńǵaısyz jaǵdaıǵa qalsańyz da, jurttyń nazaryn ádemi kúlkińizben, jymıysyńyzben jeńesiz. Kúlip júrseńiz, qıyndyqtan da ońaı qutylasyz. İshteı jaqsylyqqa senseńiz, solaı bolary sózsiz.

3. Aınalańyzda bolyp jatqandardan túńilip, úıde otyra bermeńiz. Kóshede, dostaryńyzdyń, tanystaryńyzdyń arasynda kóńilińiz bólinip, kóńilsizdikten qutylasyz.

4. Kúıbeń tirshiligińizge jańalyq engizip otyryńyz, ózińiz ózgerińiz. Jańa ispen aınalysyńyz, birnárse úırenińiz nemese kıim kıý stılińizdi ózgertińiz. Sizde bolǵan ózgerister úshin jaqyndaryńyz ben dostaryńyz jaqsy pikirlerin, komplımentterin bildirse, sizdiń qýanyp qalaryńyz sózsiz. Siz júrgen ortanyń ózińizge erekshe nazar aýdarýy kóńil-kúıińizge áser etpeı qoımaıdy.

5. Únemi jaqsy nárselerdi oılap júrińiz. Tipti aýyr jumys ústinde de súıiktińizben kezdesýdy, dostaryńyzben kóńil kóterýdi oılańyz. Qıalǵa berilýge hosh ıisti shyraqtar (aromalampa),  ásirese mandarın, apelsın, lımon, greıpfrýt ıisteri jaqsy kómektesedi.

6. Birýaqyt júzýmen aınalysyńyz. Sý deneni demaltady, densaýlyqqa paıdaly, kóńil-kúıge jaqsy áser beredi.

7. Aldaǵy maqsatyńyzdy baǵdarlańyz. Bir sátke aldaǵy kúnderińizdiń qalaı bolatynyn, atqarylýy tıis jumystardy túgendep, aldyńyzǵa qoıylǵan maqsattarǵa umtylysyńyzdyń aıqyndyǵyn anyqtap alyńyz. Úı tazalaǵanda neden bastaý kerek ekenin jaqsy biletindigińiz sıaqty, armanyńyzǵa jaqynjatar jolyńyz da sizge anyq bolady.

8. Ómirge jeńil qarańyz. «Ondaı mende bolý qaıda» degen oıdan arylyńyz. Kishkentaı jetistikterińizge qýana bilińiz. Solardyń ózi úlken baqyttyń bastaýy bolýy múmkin. Ómirde bári ońaı, tek shydam kerek.

9. Únemi qozǵalysta bolyńyz. Búgin muńaısańyz, erteń qýanasyz. Bir kúnniń qaıtalanbaýy da, qaıtalanýy da ózińizge baılanysty. Sondyqtan muńaıyp, jatyp almańyz.

10. Kóńilińizdi túsirgen jaǵdaılardy tez umytyńyz. Kóńil-kúıińiz joq pa, kóńildi mýzyka tyńdańyz, úı jınańyz, súıikti isińizben aınalysyńyz ne kóńildi kıno kórińiz.

Esińizde bolsyn: ózińizdiń kóńil-kúıińizge ózińiz ǵana jaýaptysyz!

Derekkóz: massaget.kz/