Ǵalymdar júkti áıelderge shúmekten aqqan sý ishýge bolmaıtyndyǵyn aıtady, ondaǵy sý ishtegi bala aǵzasyna sińip, qaterli aýrýlarǵa alyp keledi desedi.

 Sondaı-aq, sýdaǵy zıandy qospalardyń kóptigi tuqymdaǵy keri ózgeristerge ákelip soqtyrýy múmkin, ol bolsa obyr syndy jaman derttiń damýyna yqpal etedi.

 Amerıka ǵalymdary ana jatyryndaǵy balaǵa shúmekten aqqan sýdyń qanshalyqty qaýpi bar ekenin tekserý maqsatynda zertteý jumystaryn júrgizgen bolatyn. Osy turǵyda ǵalymdar júkti áıelderge taza sý ǵana ishýge keńes beredi.  Tek júkti áıelder emes, barsha halyqtyń tazalanǵan sýdy tutynǵany durys.

 Sebebi, sý quramynda densaýlyqqa paıdasyz hlor, temir qaldyqtary (eritindileri) jıi kezdesedi . Mundaı sýlar kóbine jaı qara temir qubyrlarymen tutynýshylarǵa jetkizilip otyr. Hlor, temir eritindileri kezdesetin sýdy ishýimizden densaýlyǵymyz aýrýǵa shaldyǵyp álsireıdi, tipti, búırekte tastyń jınalýy da osynyń saldarynan bolsa kerek.

Derekkóz: anabol.kz/