Kamchatka ólkesindegi Elızovo qalasynda Mı-2 tikushaǵy apatty jaǵdaıda jerge qondy. Tikushaqta bolǵan 3 adam zardap shekken. Bul týraly «Qamshy» portaly QazAqparatqa silteme jasap habarlaıdy.

BAQ-tyń habarlaýynsha, olardyń biri qaza tapty, dep habarlady TASS agenttigi. 

Tikushaq qala ortalyǵyndaǵy Rábıkov kóshesi boıynsha 50-shi úı mańyndaǵy «Radýjnyı» sport kesheniniń janyna kelip apatty jaǵdaıda qonǵan.

«Úsh adam zardap shegip, aýrýhanaǵa jetkizildi. Kýágerler tikushaq birneshe sekýnd aýada qalqyp, bıiktikten jerge qulǵanyn jetkizdi», - dep habarlady Kamchatka ólkesi boıynsha RF TJM. 

Bortta úsh adam bolǵan, eki ekıpaj múshesi, bir týrıs. Tikushaq «Krechet» kompanıasyna tıesil. Boljam boıynsha, apatqa qozǵaltqyshtyń tehnıkalyq aqaýy sebep bolǵan.