Reseı Federasıasynyń Mádenıet mınıstri federasıa sýbektilerine Túrikoı uıymymen baılanysty úzý týraly úkimettik jedelhat jibergen, - dep habarlaıdy «Qamshy» portaly.

Reseıdiń mádenıet mınsıtri Vladımır Medınskıı Altaı, Bashqurtstan, Saha, Tatarstan, Tyva, Hakasıa respýblıkalarynyń basshylaryna osyndaı talap oıyp otyr.

«Reseı mádenıet mınıstrliginiń Halyqaralyq Túriksoı uıymyna qatysty ustanymyn nazarlaryńyzǵa usynamyn» dep bastalatyn jedelhatta avtonomıaly respýblıkalar basshylaryna atalǵan uıymmen baılanysty dereý úzip, qandaı da bir qarym-qatynas jasaýǵa qatań tyıym salý týraly aıtylǵan deıdi «Izvestıa» gazeti.

Quramyna 14 túrki tildes elder enetin Túriksoı uıymy Tatarstan bastaǵan Reseı quramyndaǵy túrki tildes eldermen tyǵyz baılanys ornatqan. Osy uıym sheshemimen Qazan qalasy 2014 jyly «Túrki áleminiń astanasy» dep jarıalanǵan edi.

Buǵan deıin el Premer-mınıstri D. Medvedev Túrkıaǵa qarsy sanksıalardy ázirleý týraly tapsyrma bergen bolatyn.