2015 jylǵy 3-4 jeltoqsanda Astanada Túrki Parlamenttik Assambleıasynyń altynshy plenarlyq otyrysy ótedi. Bul týraly «Qamshy» portaly QazAqparatqa silteme jasap habarlaıdy.
Qazaqstan Prezıdenti Nursultan Nazarbaevtyń bastamasymen qurylǵan túrkitildes elderdiń parlamenttik birlestigine Ázerbaıjan, Qazaqstan, Qyrǵyzstan jáne Túrkıa elderi kiredi. 2014-jyldyń maýsym aıynda Bakýde TúrkiPA-nyń besinshi plenarlyq otyrysy barysynda Majarstan Ulttyq Jınalysy baıqaýshy mártebesine ıe boldy.
Parlament ókilderi qatysatyn shara baǵdarlamasynda - «Uly dalanyń parlamentarızmi jáne memlekettiligi» halyqaralyq konferensıasy, TúrkPA Keńesiniń otyrysy, VI plenarlyq sesıasyn uıymdastyrý qamtylǵan.
Sonymen qatar, delegasıa músheleri «Astana Opera» teatrynda «Abaı» operasyn tamashalaıdy, Halyqaralyq Túrki Akademıasynda «Máńgitas» ǵylymı sharasyna qatysady, Qazaqstan Respýblıkasy Ulttyq murajaıynda túrkitildes elderdiń mádenıeti men tarıhynan syr shertetin kórmeni aralaıdy.
Parlamenttik delegasıa jetekshileriniń «Astana EKSPO-2017» Ulttyq kompanıasy basshylarymen kezdesýi mejelenip otyr.
Sesıa TúrkiPA tóraǵalyǵyn Ázerbaıjannan Qazaqstanǵa ótkizý saltanatymen bastalady.
TúrkiPa qyzmetine jáne búdjettiń oryndalýyna baılanysty 2014 jyldyń esepteri tyńdalyp, 2016 jylǵa arnalǵan búdjet jobasy men kelesi plenarlyq otyrystyń ótetin ýaqyty men orny talqylanady.
VI plenarlyq otyrysta Májilis Tóraǵasy Qabıbolla Jaqypov, Qyrǵyzstan Jogorký Keneshiniń Spıkeri Asylbek Jeenbekov, sondaı-aq, Azerbaıjan Mıllı Medjlısi men Túrkıa Uly Ulttyq Jınalysy delegasıalarynyń basshylary sóz sóıleıdi dep kútilýde.
Sharaǵa qatysýshylar barlyq salaǵa qatysty komısıa usynystaryn qaraıdy.
Sonymen qatar, TúrkiPa baıqaýshylar mısıasynyń Qazaqstanda jáne Túrkıada ótken prezıdenttik saılaýǵa, Ázerbaıjan, Qyrǵyzstan, Túrkıada ótken parlamenttik saılaýlarǵa qatysty esebi tyńdalmaq.
Plenarlyq otyrys qorytyndysy boıynsha TúrkiPA Astanalyq deklarasıasy qorytyndy qujatyn qabyldaý mejelengen.
Pikir qaldyrý