Qyzylordalyq polıseıler oqýshy qyzdardy aldap, qulaqtaryndaǵy syrǵalaryn urlaýdy kásip etken alaıaqty ustady, - dep habarlaıdy «Qamshy» portaly QazAqparatqa silteme jasap.
Aǵymdaǵy jyldyń 23 qarashasynda oblys ortalyǵynyń turǵyny M.G. mektep aldynda 3 synyp oqıtyn qyzynyń quny 17 000 teńge turatyn altyn syrǵasyn belgisiz bir áıeldiń «qulaǵyńdaǵy syrǵań túseıin dep tur, sómkeńe salyp bereıin» degen jeleýmen sheship alǵandyǵy jóninde polısıaǵa aryzdanady.
Bir kún óte, belgisiz áıel taǵy da 3 synyp oqýshysynyń altyn syrǵasyn aldap, sheship alady. Alaıaqtyń osy tektes áreketterine qatysty polısıaǵa taǵy 4 ata-ana shaǵymdanady.
Tártip saqshylarynyń jedel-izdestirý jumystarynyń nátıjesinde 1989 jyly týǵan Qyzylorda qalasynyń turǵyny B.D. ustalyp, ýaqytsha ustaý abaqtysyna qamaýǵa alyndy.
Atalǵan derek boıynsha Qazaqstan Respýblıkasy Qylmystyq Kodeksiniń 190-babynyń 1-bóligimen (alaıaqtyq) qylmystyq is qozǵalyp, sotqa deıingi tergep-tekserý amaldary júrgizilýde, dep habarlady oblystyq İİD baspasóz qyzmetinen.
Pikir qaldyrý