Fransıa quramasynyń eks-kapıtany, ataqty fýtbolshy Zınedın Zıdannyń uly Lýka áke jolyn qýyp, ómirin fýtbolmen baılanystyrǵany belgili. Al, taıaýda "Real" men "Atletıkonyń" 17 jastan joǵary oıynshylary arasynda ótken machy kezinde ol qarsylasyn baspen qoıyp qalǵan, - dep habarlaıdy «Qamshy» portaly 24.kz arnasyna silteme jasap.

Kezdesý barysynda "Realdyń" qaqpashysy Lýka Zıdan "Atletıkonyń" shabýylshysymen sózge kelip qalǵan. Onyń qarsylasty baspen urý sáti beınekameraǵa túspegen. Biraq, muny baıqaǵan qyraǵy sýdıa kishi Zıdanǵa qyzyl qaǵaz kórsetti.

Eske sala keteıik, 2006jylǵy álem chempıonatynyń fınalynda Lýkanyń ákesi de osyndaı soqqysymen kózge túsken edi. Ol kezdesýdegi qosymsha berilgen ýaqytta Italıa quramasynyń qorǵaýshysy Marko Materassımen kıkiljińge kelip, ony keýdesinen baspen uryp qulatty. Aqyry sol machta Zıdan qyzyl qaǵaz alyp, oıynnan shettetildi. Zınedın Zıdan 2014 jyldan bastap, "Realdyń" rezerv komandasynyń jattyqtyrýshysy qyzmetin atqarady.