"Samuryq-Qazyna" ál-aýqat qorynyń basqarma tóraǵasy Ómirzaq Shókeev Nursultan Nazarbaevtyń Qazaqstan halqyna Joldaýy barysynda aıtqan synyna qatysty pikirin bildirdi, - dep habarlaıdy «Qamshy» portaly Tengrinews.kz – ke silteme jasap.

Ol Memleket basshysynyń synyn syndarly dep sanaıdy eken.

«Áńgime qordyń shtaty jaıynda. "Samuryq-Qazyna" qorynyń aktıvteri jalpy ishki naryqtyń 40-tan asa paıyzyna teń, "500-den asa enshilesterdi qosa eseptegende". "Halyq muny túsinbeýi múmkin", - degen edi Memleket basshysy óz Joldaýyn jarıalaý kezinde.

"Memleket basshysy óz synynda barlyǵyn durys aıtty. Jumys istegen kóp jyldarda ulttyq kompanıadan kóptegen aktıv pen nysan alyndy, holdıń epsiz mehanızmge aınaldy. Zamanaýı talaptardy eskerip, biz "Samuryq-Qazyna" tobynyń ózge qyrynan qajettigin túsindik", - dedi Shókeev.

Onyń aıtýynsha, bul mindetti atqarý maqsatynda Memleket basshysy 2014 jyly qazanda iske qosqan baǵdarlama jasaldy. Shókeevtiń oıynsha, bul uzaq merzimdi júıeli jumys, onyń ishinde kompanıalar sanyn qysqartý da bar. Onyń sózine qaraǵanda, kez kelgen aýqymdy ózgeris kezinde belgili bir qarsylyqtar bolady. "Biz úshin Prezıdenttiń Joldaýynda bul jumystyń mańyzdylyǵy men birinshi dárejeliligine nazardyń aýdarylýy mańyzdy", - dedi "Samuryq-Qazyna" basshysy.

Shókeevtiń málimetinshe, qurylymda búgingi tańda basqarýdyń 9 deńgeıi bar, ıaǵnı bul qorǵa 9-býynǵa deıingi enshiles kompanıalar kiredi. Árıne, ol basqarý men onda bolyp jatqan úderisterdi baqylaýdy qıyndatady. Ózgeris jáne jekeshelendirý sheńberinde enshilesterdi 4-ke deıin qysqartý boıynsha naqty josparymyz bar", - dedi Shókeev.

"Samuryq-Qazyna" basshysynyń aıtýyna qaraǵanda, 2013 jyldan beri tıimsiz kompanıalardy qysqartý boıynsha jumys belsendi túrde júrip jatyr. Sonyń nátıjesinde kompanıalar sany 768-den 560-qa deıin qysqarǵan.