Shyǵys Qazaqstan oblysyndaǵy birqatar kásiporyndarda oblys prokýratýrasynyń arnaıy tekserisinen soń jergilikti jumysshylarǵa qatysty birqatar ádiletsizdikter anyqtalǵan. Bul týraly «Qamshy» portaly YK-news.kz-ke silteme jasap habarlaıdy.

Sheteldik jumysshylar munda eńbek demalysyna sırek shyǵyp, alaıda, eńbekaqyny qazaqstandyq jumysshylarǵa qaraǵanda kóp alyp kelgen.

Tekseris kezinde kóptegen fırmalar eńbekshilermen zańǵa sáıkes eńbek kelisim-shartyn emes, qyzmet kórsetý kelisimin jasap kelgen. Ol boıynsha, qyzmet kórsetýshi densaýlyq jaǵdaıyna baılanysty tólenetin demalys, ekologıalyq jeńildikter, basqa da kepildikter ala almaıdy. Eńbek demalysyna shyǵý da basshylyqtyń uıǵarymyna baılanysty rettelip otyrǵan. Mundaı eńbek qarym-qatynasy sheteldiktermen qatar, qazaqstandyq jumysshylarǵa qatysty da qoldanylǵan.

Tekseris kezinde «Tarbaǵataı-Munaı» JSHS-de eńbekaqyny keshiktirip tóleý derekteri anyqtalǵan. Al, «Maıly daqyldar tájirıbelik sharýashylyǵy» JSHS-da syıaqy tek sheteldik jumysshylarǵa ǵana berilip otyrǵan.

Prokýratýra qyzmetkerleri sondaı-aq, jergilikti jumysshylar men sheteldikterdiń jalaqylarynda da aıyrmashylyq baryn aıtady. Máselen, qazaqstandyq geodezıst 150 myń  teńge eńbekaqy alsa, qytaılyq mamanǵa kásiporyndar 170 myń teńge tólep kelgen. Mundaı alshaqtyq basqa mamandyq ıeleriniń eńbekaqylarynan da anyqtalǵan.

«Eńbekshilerdiń jalaqylaryndaǵy alshaqtyqtyń ortasha kórsetkishi 50 myń teńgeni quraǵa», - deıdi prokýratýra ókilderi.