Almaty oblysynda polıseıler kisi ólimin ashty. Qylmys jasaǵan kúdikti birinshi kezekshilik táýlik ishinde ustaldy. Bul týraly «Qamshy» portaly QazAqparatqa silteme jasap habarlaıdy.
2015 jylǵy 29 qarashada Eńbekshiqazaq aýdanynda Shelek aýylyna jaqyn jerde, sondaı-aq Nura aýyly mańynda kúshtep óltirý belgilerimen 74 jastaǵy er adam men 63 jastaǵy áıel adamnyń denesi tabyldy. Quqyq qorǵaýshylar jábirlenýshiler Almatydan «Nıssan Patrol» kóligimen kelgenin anyqtady, kólik keıinnen joldaǵy dámhanalardyń biriniń janynan tabyldy.
«Kezekshi táýlik ishinde kórshi Raıymbek aýdanynyń 44 jastaǵy turǵyny ustaldy. Kúdikti er adam jábirlenýshilerge iri somada aqsha qaryz bolǵan. Ony aýyr qylmys jasaýǵa ıtermelegen de osy sebep bolyp shyqty. Qylmys qarýy - temir armatýra zattaı aıǵaq retinde qylmystyq is materıalyna tirkeldi», - dep habarlady Almaty oblysy İİD baspasóz qyzmetinen.
Eki zeınetkerdi óltirý faktisi boıynsha tergeý Almaty oblysy İİD tergeý basqarmasynyń óndirisinde jalǵasady. Kúdikti er adam kisi óltirgeni úshin budan buryn da qylmystyq jaýapkershilikke tartylǵandyǵy anyqtaldy, ol qamaýǵa alyndy.
