Prezıdent N. Nazarbaev Ulttyq bank tóraǵasy Danıar Aqyshevti qabyldady, - dep habarlaıdy «Qamshy» portaly Aqorda saıtyna silteme jasap.
D.Aqyshev kezdesý barysynda Qazaqstan Prezıdentine qarjy naryǵyndaǵy turaqtylyqty qamtamasyz etý jáne ulttyq valútanyń kúrt aýytqýyna jol bermeý úshin qabyldanyp jatqan sharalar jóninde, sondaı-aq aınalymǵa nomınaly 20 myń teńgelik aqshanyń engizilgeni týraly baıandady.
Sonymen qatar Ulttyq bank tóraǵasy Memleket basshysynyń Qazaqstan halqyna Joldaýynda aıtylǵan, sonyń ishinde qarjy ınstıtýttaryn basqarý, ınflásıa deńgeıin tómendetý, tıimdi aqparattyq túsindirý jumystaryn júrgizý máselelerine qatysty tapsyrmalardy oryndaý jumystary bastalǵanyn aıtty.
