Búgin 5571 áskerı bólimi bazasynda Qazaqsan Respýblıkasy  Ulttyq ulany «Ońtústik» óńirlik qolbasshylyǵyna qarasty áskerı bólimder arasynda «Úzdik batalón komandıri», «Úzdik batalón komandıriniń orynbasary», «Úzdik batalónnyń shtab bastyǵy» atty baıqaýdyń İİ kezeńi bastaldy, - dep habarlaıdy «Qamshy» portaly Respýblıkasy  Ulttyq ulan «Ońtústik» óńirlik qolbasshylyǵy baspasóz qyzmetine silteme jasap.

Atalmysh shara Ulttyq ulan ofıserleriniń áskerı-jaýyngerlik daıarlyǵyn kóterý úshin, sondaı-aq, batalón býynyndaǵy sardarlardyń kásibı biliktilikterin joǵarylatý, tájirıbelik bilimderin  arttyrý, olardy qyzmettik tapsyrmalardy oryndaýǵa jigerlendirý maqsatynda ústimizdegi jyldyń 3-4 jeltoqsany aralyǵynda ótedi.  Atap óterligi saıysqa qatysýshy úmitkerler alǵashqy aınalymnyń jeńimpazdary jáne olar Jambyl, Almaty, Qyzylorda, Ońtústik Qazaqstan oblystarynyń úkili úmitterin arqalap kelip otyr. Olar  memlekettik-quqyqtyq daıyndyq, qyzmettik-jaýyngerlik qoldaný taktıkasy, QR QK basqa da áskerleri men áskerı quramalarynyń Jalpy áskerı jarǵysyn bilýden baq synasady. Sondaı-aq, saıysqa qatysýshylar dene daıyndyǵy ıaǵnı, 100 metrge júgirý, beltemirde tartylý, 3000 metr qashyqtyqqa júgirý syndy normatıvterden synaq tapsyrady. Buǵan qosa, olardy atys daıyndyǵynan synaqtar kútip tur. Baǵdarlama boıynsha Makarov tapanshasynan №1 atys jattyǵýdan ótý saıystyń negizgi talaptary.

Eki kúnge sozylatyn atalmysh kezeńniń jeńimpazdary Astana qalasynda josparlanǵan aqtyq saıysqa qatysýǵa múmkindik alady.