Jambyl oblysyndaǵy Aqkól aýylyna kireberiste jol boıynda óli sábı tabyldy, - dep habarlaıdy Tengrinews.kz tilshisi Jambyl oblystyq İİD baspasóz qyzmetiniń ókilderine silteme jasap.

Sábıdiń jansyz denesi 13 qańtarda Bostandyq-Aqkól tasjolynyń jıeginde tabylǵan. Tergeý sharalary kezinde sábıdiń sheshesiniń kim ekendigi anyqtaldy. "Kámeletke tolmaǵan anasy qazirgi ýaqytta aýrýhanada jatyr, al onyń sheshesi ustaldy. Tergeý júrip jatyr", - dep habarlady baspasóz qyzmetindegiler.

Oqıǵanyń mán-jaıyn polıseıler naqtylamaı otyr. Rastalmaǵan derekter boıynsha, sábıdiń anasy 1999 jylǵy. Ol kólikte bosanǵan delinedi.

Eske salaıyq, qańtar aıynyń basynda Jambyl oblysy Abaı aýylynyń mańyndaǵy avtomobıl tasjolyndaǵy qoǵamdyq dárethanalardyń birinen tiri sábı tabylǵan bolatyn.