Táýelsizdiktiń 25 jyldyǵynda otandastarymyz Rızashylyq kúnin atap ótedi, - dep habarlaıdy "Qamshy" portaly.

Bul jóninde ortalyq komýnıkasıalar qyzmetinde ótken brıfıńte «Qoǵamdyq kelisim» respýblıkalyq memlekettik mekemesiniń dırektory Natalá Kalashnıkova málimdedi. Aıtýly shara naýryzdyń 1 kúni Qazaqstan halqy Assambleıasynyń qurylǵan kúni toılanýy múmkin degen joramal bar. Al qaıyrymdylyq jasaımyn degen janǵa «Mesenat.kz» ınternet-portaly kómekshi qural bola alady. Onda baı-baǵylandardyń tizimi kórsetilgen. Kómek surap, tikeleı habarlasýǵa bolady.

Natalá Kalashnıkova, QR Prezıdenti janyndaǵy «Qoǵamdyq kelisim» RMM dırektory:

- Kómekke zárý otandastarymyz habarlasa alady. Máselen, «Qorjyn» meıirimdilik kerýeninen bastaý alǵan «Asyl bala» jobasynyń aıasynda 16 óńir boıynsha syrqaty aýyr balalarǵa mesenattar kómektesip jatyr. Bul jumys bıyl da jalǵasyn tabady. Sondaı-aq Natalá Kalashnıkovanyń aıtýynsha, Qazaqstan halqy Assambleıasy Ult josparynnyń oryndalýyna úles qosýmen qatar ony nyǵaıtýǵa da atsalysady. Al Táýelsizdiktiń 25 jyldyǵynda myńnan astam is-shara jáne Azıadaǵy ózara senim jáne is-áreket keńesine qatysýshy elderdiń etnomádenı birlestikterimen forým ótkizbek.